Yağın ən əsas xüsusiyyətlərindən biri onun özlülük dərəcəsidir.

Avtomobil istehsalçısının tövsiyə etdiyindən nisbətən yuxarı və ya daha aşağı özlülük dərəcəsinə malik mühərrik yağından istifadə etdikdə ciddi problemlə qarşılaşmayacaqsınız. Lakin bununla belə, istifadəçi təlimatında verilmiş özlülükdən istifadə etmək daha məqsədəuyğun hesab olunur.

Mühərrik soyuq olduğu zaman 5W-20 və 5W-30 özlülüklü mühərrik yağları arasındakı fərqlər nəzərə çarpmır, yəni soyuq temperaturlarda onlar eyni xüsusiyyətlərə malikdir.

Məsələn, sizin avtomobil istehsalçı standartınız 5W-20 özlülüklü mühərrik yağları təyin edilib. 5W-20 özlülüklü mühərrik yağı yanacaq qənaətini yaxşılaşdırmaq üçün mühərrik işləmə temperaturuna çatdıqdan sonra mühərrikdəki dar boşluqları doldurmaq üçün kifayət qədər sürətli axacaq. Bununla da, mühərrikdəki yağ təyin edilmiş prinsiplə funksiyasını icra edəcək.

5W-20 özlülüklü mühərrik yağı əvəzinə, 5W-30 özlülüklü mühərrik yağından istifadə isə yanacaq sərfiyyatını artıra və yağın bütün mühərrik detallarına yayılmasında çətinlik yarada bilər. Müvəqqəti olaraq istifadə edərkən mühərrikinizə ciddi bir zərər verməyəcəksiniz. Lakin unutmayın ki, mühərrikinizi quran mühəndislər avtomobiliniz üçün xüsusi özlülük təyin edərkən mühərrikin bütün xüsusiyyətlərini hərtərəfli şəkildə nəzərə alaraq hazırlayıblar.

Beləliklə, deyə bilərik ki, 5W-20 və 5W-30 özlülüklü mühərrik yağlarına nəzər yetirərkən, onların soyuqda özlülükləri eyni qalacaq, isti temperaturda isə  5W-20 özlülüklü mühərrik yağına nisbətən 5W-30 özlülüklü mühərrik yağı bir az daha qatı axacaq.